ЖЫГАЧ ИШТЕТҮҮЧҮ ИШКАНАДА ЧЫККАН ӨРТ ӨЧҮРҮЛДҮ

25-октябрь күнү Бишкектин Ленин районунун Теңдик конушунда жайгашкан жыгач иштетүүчү ишканадан чыккан өрт саат 08:29да чектөөгө алынып, саат 11:42де толук өчүрүлдү.

Өрттү өчүрүүгө саат 08: 01де Өзгөчө кырдаалдар министрлигинин Бишкек шаары боюнча башкармалыгынын Свердлов райондук №2 ӨКБдан 1 күжүрмөн эсеп тартылган.

Маалыматка ылайык, "ЛесПром Азия"

жыгач материалдарын иштетүүчү заводдун имаратынын ичиндеги жыгачтын калдыктары өрттөнүп, анын аянты 80 чарчы метрди түзгөн.

Өрт өчүрүүчүлөрдүн ыкчам аракетинен улам ичиндеги станоктор жана имарат сакталып калды.

Бактыга жараша тилсиз жоодон жабыркагандар жок.

КР ӨКМ ПРЕСС-БОРБОР