ЖУМГАЛДА ИЗДӨӨ ИШИ ЭРТЕҢ УЛАНАТ

Жумгал районунун Өрнөк айылында дайынсыз жоголуп жаткан ата-баланы издөө иштери кеч киргендигине байланыштуу токтотулду. Эртең, 12-ноябрда улантылат.

Бүгүн издөөгө ӨКМдин Жумгал райондук №43 ӨКБдан 5 куткаруучу, ИИМден 10 кызматкер, жергиликтүү тургундардан 18 адам, жалпы 33 адам жана 4 рация, 2 дүрбү, 1 куткаруу унаасы, 2 кинолог тартылды.

Издөө иштери Кызыл-Коргон (Өрнөк) айылынын этегинен баштап, аскер көпүрөсүнө чейин жүргүзүлдү.

Белгилей кетсек, Нарын облусунун Жумгал районунда 16-октябрь күнү 1979-ж.т. К.Б. жана уулу 2015-ж.т. С.Б. мал кайтарууга жайлоого кеткен бойдон дайынсыз болгондугу тууралуу маалымат 19-октябрда түшкөн.

Кошумча маалымат берилет.

КР ӨКМ ПРЕСС-БОРБОР