ЖАЛАЛ-АБАД: ЖАҢЫ ӨРТ-ӨЧҮРҮҮ ЖАНА КУТКАРУУ БӨЛҮКЧӨСҮ АЧЫЛАТ

Ноокен районунун Бүргөндү-Достук айыл өкмөтүнө жаңы заманбап өрт-өчүрүү жана куткаруу бөлүкчөсүнүн курулушуна капсула салынды.

Аталган иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев жана ӨКМнин Жалал-Абад облусу боюнча башкармалыгынын башчысы, полковник Абдулнасир Закиров, жергиликтүү тургундар катышты.

Ноокен районунун Бүргөндү-Достук айыл өкмөтү тарабынан өрт кырсыгы жана жол кырсыгы катталган учурда өрт-өчрүү жана куткаруу бөлүкчөсү алыс жайгашканы тууралуу маалыматтары так көрсөтүлгөн долбоор даярдалып, өнүктүрүү фондуна сунушталып колдоо тапкан.

Аталган өрт-өчүрүү жана куткаруу бөлүкчөсү ушул жылдын аягына чейин ишке берилүүсү башкармалыктын башчысы тарабынан маалымдалып, жаңы имарат калк үчүн тынымсыз кызмат кыларын белгиледи.

КР ӨКМ ПРЕСС-БОРБОР