Жалал-Абад: Сел кооптуулугу жоюлат

ӨКМдин Жалал-Абад облусу боюнча сел жана суу ташкындарынан коргоо бөлүмү тарабынан Кара-Үнкүр дарыясынын оң жана сол жээктерин калыбына келтирүү жумуштары жүрүүдө.

Жыл башында өзгөчө кырдаалдар министрлигине сунушталып акча каражаты бөлүнгөн.

Учурда жумуштун дээрлик 80 пайызы бүткөрүлүп, жумуш кызуу жүрүүдө.

Аталган сел тосмолор пайдаланууга берилсе Базар-Коргон жана Ноокен райондорунун айыл чарба жерлерине жана турак жайларга болгон кооптуулук жоюларын адистер айтышууда.

КР ПРЕСС-БОРБОР