ЖАЛАЛ-АБАД: САРЫ-ЧЕЛЕКТИН МАЗАР ТИЛКЕСИНДЕ ЖЕР КӨЧКҮ ТҮШТҮ

Бүгүн, 21-ноябрда Жалал-Абад облусунун Аксы районундагы алдын ала маалымат боюнча Сары-Челек айыл аймагынын Жол-Сай айылынын Мазар тилкесинде жер көчкү түшкөн.

Жерине тактоо иштерин жүргүзүү үчүн ӨКМдин Жалал-Абад облустук башкармалыгынын Аксы райондук өзгөчө кырдаалдар бөлүмүнөн ыкчам топ, ӨКМдин Өзгөчө кырдаалдарга мониторинг жүргүзүү жана божомолдоо департаментинен 1 адис жөнөтүлгөн.

Алардын маалыматына ылайык жар көчүп түшкөн. Көчкүнүн көлөмү болжол менен 600 метр кубду түзүп, унаа жолуна жеткен. Айыл элине, турак жайларга, мал-мүлккө зыяны тийген эмес.

КР ӨКМ ПРЕСС-БОРБОР