ЖАЛАЛ-АБАД: ӨРТ КООПСУЗДУГУНУН АЛДЫН АЛУУНУ ТУРАК ЖАЙ ЭЭЛЕРИНЕ ТҮШҮНДҮРҮШТҮ

Кышкы өрт кооптуу мезгилге байланыштуу КР ӨКМдин Жалал-Абад облусу боюнча башкармалыгынын район, шаардык бөлүмдөрү тарабынан турак-жай секторунда өрт кырсыктарын алдын алууга багытталган иш-чараларды жүргүзүү күчөтүлдү.

Өздүк курам аймактарды кыдырып, жашоочуларга күнүмдүк турмушта, от жагуу мезгилинде өрт коопсуздук эрежелерин сактоо боюнча түшүндүрүү иштерин жүргүзүүдө.

Жыл башынан турак-жай секторунда 15 миң турак үйгө, жалпы 30 миңден ашуун жашоочуларга түшүндүрүшкөн.

Белгилей кетсек облус аймагында 9 ай ичинде 272 өрт кырсыгы катталып, 7 жаран бул жашоо менен кош айтышкан.

КР ӨКМ ПРЕСС-БОРБОР