ЖАЛАЛ-АБАД: АЛА-БУКА ДАРЫЯСЫНЫН 700 МЕТР ЖЭЭГИ БЕКЕМДЕЛДИ

КР ӨКМдин “Атайын алдын алуу жана кесепеттерин жоюу” иш мерчеминин негизинде Ала-Бука районунун Ала-Бука дарыясынын нугун тереңдетүү жана жээгинин 700 метр аралыгын бекемдөө иштери жүргүзүлдү.

Аталган аймактагы кооптуулукту жоюу үчүн жыл башында министрликке сунушталып, Өзгөчө кырдаалдар министрлигинен 1 оор инженердик техника бөлүнүп, күйүүчү май менен камсыздалган.

Аткарылган жумуштардын натыйжасында Сапалак-Сай айылындагы 87 турак үй, 950 метр ички чарбалык жол сел кооптуулугунан толугу менен корголду.

КР ӨКМ ПРЕСС-БОРБОР