ЖАЙЫЛ РАЙОНУНДА БАЛЫК УУЛООГО ЧЫГЫП, ДАЙЫНСЫЗ БОЛГОН ЖАРАНДЫ ИЗДӨӨ УЛАНУУДА

Чүй облусунун Жайыл районунда Көкөмерен дарыясына балык уулоого чыгып кеткен бойдон дайынсыз болгон 28 жаштагы жаранды издөө ишине бүгүн, 23-майда ӨКМдин Жайыл райондук №22 өрт-куткаруу бөлүгүнөн 8 куткаруучу, 1 дрон тартылды.

Кошумча Нарын облусунун Жумгал райондук №43 өрт-куткаруу бөлүгүнөн 6 куткаруучу, №44 ӨКБдан 3 куткаруучу, жалпы 17 куткаруучу чыкты.

Эске салсак, 2025-жылдын 19-майында болжол менен саат 19:00 чамасында 1997-жылы туулган Ж.Э. аттуу эркек киши Көкөмерен дарыясына балык уулоого чыгып, кайырмагы суунун жээгинен табылып, өзү дайынсыз болуп жаткандыгы тууралуу маалымат түшкөн.

Кошумча маалымат берилет.

КР ӨКМ ПРЕСС-БОРБОР