ЫСЫК-КӨЛДҮН ТООЛУУ ЖАНА ТОО ЭТЕКТЕРИНДЕГИ АЙМАКТАРЫНДА СЕЛ ЖҮРҮШҮ КҮТҮЛӨТ

Кыргыз Республикасынын Өзгөчө кырдаалдар министрлиги 2026-жылдын 2-сентябрынан 5-сентябрына чейин күтүлүп жаткан нөшөрлүү жаан-чачынга байланыштуу Ысык-Көл облусунун тоолуу жана тоо этектериндеги аймактарында сел жүрүү жана суу ташкыны коркунучу сакталарын эскертет.

Жарандардан коопсуздук чараларын сактоону, сай-салааларга, дарыялардын жана суулардын жээктерине жакын аймактарда болбоону, зарылчылык болбосо тоолуу аймактарга чыкпоону суранабыз.

Өзгөчө кырдаал катталган учурда 112 бирдиктүү шашылыш кызмат номерине кайрылыңыздар.

КР ӨКМ эскертет: коопсуздугуңуздарга кайдыгер карабаңыз!

КР ӨКМ ПРЕСС-БОРБОР