Ысык-Көлдөн 16 721 кг таштанды чыгарылды

Ысык-Көлдү тазалоонун 156-күнүндө Өзгөчө кырдаалдар министрлигинин суучулдары көлдүн астынан 16 721 кг таштанды, 103 950 метр балык уулоочу тор чыгарышты.

Соңку апта ичинде Чолпон-Ата шаарындагы "Бакыт" жана "Голубой Иссык-Куль" пансионаттары эки жолу тазаланып, андан соң суучулдар көлдүн түштүк тарабындагы Тоң районунун Кара-Шаар, Кара-Талаа, Ак-Сай айылдарына караштуу көл астын тазалоого жетишти.

Жалпы 2023-жылдын 12-мартынан башталган иш-чара бүгүнкү күнгө чейин көл бетинен 246 283,5 гектар аянты ар түрдүү таштандылардан арылды.

Учурда Ысык-Көлдүн түштүк тарабын тазалоо иштери уланууда.

КР ӨКМ ПРЕСС-БОРБОР