ЫСЫК-КӨЛ: ҮЙҮНӨН ЧЫГЫП КЕТКЕН ЖАРАН ИЗДЕЛИП ЖАТАТ

Түп районуна караштуу Түп айылынын 78 жаштагы Ж.Ж. аттуу тургуну 17-ноябрда үйүнөн чыгып кетип, үйүнө келбегендигине байланыштуу издеп берүү өтүнүчү менен кечээ, 19-ноябрда райондук ӨКБга туугандары кайрылышкан.

Издөө иштерин жүргүзүүгө жерине ӨКМден 13 куткаруучу, ИИМден 10 жана жергиликтүү тургундардан 16 адам тартылган. Куткаруучулар Түп суусунан жана жээктеринен издешти.

Ал эми бүгүн, 20-ноябрда кайрадан жергиликтүү тургундар, ИИБнын кызматкерлери менен биргеликте ӨКБдан 8 куткаруучу издөө иштерине чыгышты.

Бул тууралуу кошумча маалымат берилет

КР ӨКМ ПРЕСС-БОРБОР