УРМАТТУУ АЙДООЧУ, УЗАК ЖОЛДО ЖҮРҮҮГӨ ДАЯРСЫЗБЫ?

Үстүбүздөгү жылдын 31-октябрынан 2-ноябрына чейин республика аймагында аба ырайы кескин өзгөрүп, тоолуу райондордо жаан-чачын карга айланып жаткандыгына байланыштуу Нарын облусунун ӨКМ кызматкерлери алыскы жолго чыгуучу унаа ээлери менен кышкы даярдыктары тууралуу сүйлөшүштү.

Нарын облусу тоолуу келип, аба ырайы тез-тез өзгөрүлмөлүү. Андыктан облустагы унаалар алыскы жолго чыгарда кышкы даярдыкта болуусу зарыл.

Бишкек – Нарын – Торугарт унаа жолунда жүргүнчүлөрдү ташуучу айдоочуларга жол коопсуздугунун эрежелерин так сактоону, узак жолдо керектелүүчү дөңгөлөк чынжырчасын, ысык суу, дары-дармек топтомун жана кышкы дөңгөлөктөргө алмаштырууну сунушташты.

Ошондой эле кырсык катталган учурда 112 кызматына чалууну эскертишти!

КР ӨКМ ПРЕСС-БОРБОР