УЧАК КЫРСЫГЫНДА КЫРГЫЗСТАНДЫН 3 ЖАРАНЫ ТИРҮҮ ЭКЕНИ АНЫКТАЛДЫ

Саат 18:00га карата маалымат боюнча Казакстандагы учак кырсыгына кабылгандардын арасынан Кыргызстандын үчүнчү жараны тирүү экени аныкталды. Ал 1988-жылы туулган Э. Д. аттуу жаран.

Кыргызстандын жалпы 3 жараны Казакстандын Актау шаарындагы ооруканага жеткирилген. Алар:

- 2004-жылы туулган А.Р.Т ;

- 1998-жылы туулган О. Т. М.;

- 1988-жылы туулган Д.Э.Д.

Баку – Грозный багытында учуп бара жаткан "Эмбреар - 190" учагында жалпы 67 жаран болгон. Анын ичинен 37си Азербайжандын, 16 Орусиянын, 6 Казакстандын, 3 адам Кыргызстандын жараны жана 5 экипаж болгон. Учурда 32 адам тирүү экени аныкталды. Тактоо иши уланууда.

КР ӨКМ ПРЕСС-БОРБОР