Түшүм жыйноо мезгилиндеги эске алчу өрт коопсуздук эрежелери

Түшүм жыйноо мезгилинде өрт коопсуздугунун талаптарын так сактоо зарыл, анткени бул мезгилде абанын жогорку температурасы, кургак өсүмдүктөр жана айыл-чарба техникаларынын иштөөсүнө байланыштуу өрттүн чыгуу коркунучу кыйла жогорулайт.

Түшүм жыйноо мезгилиндеги өрт коопсуздугунун негизги талаптары:

1. Техниканы даярдоо

• Бардык дан жыйноочу комбайндар, тракторлор, автоунаалар жана башка айыл чарба техникалары техникалык жактан жарактуу абалда болушу керек.
• Кыймылдаткычтын түтүк чыгаруучу системасы учкун өчүргүчтөр менен жабдылып, алар жарактуу абалда болушу зарыл.
• Техника самандан, чаңдан, май калдыктарынан жана башка күйүүчү заттардан үзгүлтүксүз тазаланып турушу керек.
• Электр зымдары, күйүүчү май берүүчү системасы бузулган же күйүүчү-майлоочу материалдар агып жаткан техникаларды пайдаланууга жол берилбейт.

2. Өрт өчүрүү каражаттары менен камсыз кылуу

• Ар бир техника жарактуу өрт өчүргүч, күрөк жана өрткө каршы кездеме (кошма) менен камсыз болушу керек.
• Түшүм жыйноо иштерин жүргүзүүчү жерлерде суу сактагыч идиштер же суу ташуучу атайын техника даяр турушу зарыл.

3. Талааларды даярдоо

• Талаалар өзүнчө тилкелерге бөлүнүшү керек.
• Тилкелердин ортосунда өрттүн жайылышына тоскоол болгон чабылган жана айдалган минералдаштырылган тилкелер уюштурулушу зарыл.
• Автомобиль жолдоруна, токойлорго, электр берүү линияларына жана курулуштарга чектеш талаалар алдын ала өрттөн коргоочу тилкелер менен бөлүнүшү сунушталат.

4. Төмөнкүлөргө тыюу салынат:

• Талааларда, түшүм сакталган жайларда жана техниканын жанында тамеки тартууга жана ачык отту колдонууга.
• Саманды, эгин калдыктарын жана кургак чөптөрдү өрттөөгө.
• Кыймылдаткычы иштеп турган учурда техниканы күйүүчү май менен толтурууга.
• Талаанын ичинде ачык отту колдонуу менен техниканы оңдоого.

5. Түшүмдү сактоо

• Дан сактоочу кампалар, кырмандар жана түшүм сакталган жайлар дайыма таза кармалышы керек.
• Аймак кургак чөптөрдөн, таштандылардан жана күйүүчү калдыктардан үзгүлтүксүз тазаланып турушу зарыл.
• Чөптү, саманды жана данды электр берүүчү аба линияларынын астында же ачык от булактарына жакын жерде сактоого жол берилбейт.

6. Ишти уюштуруу

• Бардык кызматкерлер өрт коопсуздугу боюнча нускамадан өтүшү керек.
• Өрт чыккан учурда көрүлүүчү аракеттердин тартиби алдын ала аныкталып, өрт өчүрүү кызматын чакыруу мүмкүнчүлүгү камсыздалышы зарыл.
• Түшүм жыйноо мезгилинде талаалардын өрт коопсуздугуна туруктуу көзөмөл уюштуруу сунушталат.

Өрт чыккан учурдагы аракеттер

Өрт аныкталган учурда төмөнкү чараларды көрүү зарыл:

• дароо 101 же 112 номерлери аркылуу өрт өчүрүү кызматына кабарлоо;
• техниканы коопсуз жерге токтотуу;
• адамдардын өмүрүнө жана ден-соолугуна коркунуч келтирбестен, колдо болгон алгачкы өрт өчүрүү каражаттары менен өрттү өчүрүүгө аракет көрүү;
• өрт өчүрүү бөлүктөрү келгенге чейин өрттүн жайылып кетишине жол бербөө боюнча чараларды көрүү.

Бул талаптарды так сактоо түшүм жыйноо мезгилинде өрттөрдүн алдын алууга, түшүмдүн, айыл-чарба техникаларынын жана адамдардын коопсуздугун камсыз кылууга өбөлгө түзөт.