ТОҢДУН АК-САЙ АЙЫЛЫНДА ТУРАК ҮЙЛӨР ТОЛУК ТАЗАЛАНДЫ

18-август күнү саат 19:30 чамасында жааган жамгырдын кесепетинен кокту-колоттордон түшкөн сел суулары Тоң районунун Б.Мамбетов айыл аймагына караштуу Ак-Сай айылындагы турак үйлөргө кирген.

Жеринде түнү менен ӨКМдин 30 куткаруучусу, жергиликтүү тургундардан 120 адам, ЖК кызматтарынан 25

жумушчу, Б.Мамбетов а/а 20 адам РМАдан 4 адам 5 инженердик техника, 2 ассенизатор жана 1 мотопомпа тартылып, селдин кесепеттерин жоюу жумуштары жүргүзүлгөн.

Жалпысынан суу каптаган 30 үйдүн 10нун жер төлөсүнө суу кирген.

Аталган он турак үй таңкы саат 05:30да толук тазаланып бүткөрүлгөн.

Калган турак үйлөрдүн кооросуна кирген суулар жерге синип кеткен.

Учурда ӨКМдин кызматкерлеринен жана Жарандык коргонуу кызматтарынан түзүлгөн комиссия кошумча тактоо иштерин жүргүзүүдө.

КР ӨКМ ПРЕСС-БОРБОР