Талас: Айтматов районунун Жарандык коргонуу абалы бааланды

Талас облусунун 2023-жылга карата даярдык планына ылайык 15-16-август күндөрү Айтматов районунун Жарандык коргонуу тутумуна жалпы баалоо жүргүзүлдү.

ЖКнын абалын баалоонун негизги максаты

— Талас облусунун Айтматов районунун Жарандык коргонуу абалын баалоону жүргүзүү, согуш жана тынчтык мезгилде өзгөчө кырдаал учурунда Жарандык коргонуу иш-чараларынын уюштурулуусун жана иш-мерчемдерин текшерүү, жетекчилик курамын Жарандык коргонууга даярдоо.

Аталган иш-чарада Жарандык коргонуу мамлекеттик тутумунун талаптарынын аткарылышын жана күч-каражаттардын даярдыгын текшерүү, жетекчилик курамды маалымдоону иш жүзүндө аткаруусу текшерилди.

Баалоонун жыйынтыгында орун алган кемчиликтерди жоюу эскертилди.