ТАКТАЛГАН МААЛЫМАТ БОЮНЧА КАР КӨЧКҮ АСТЫНАН 3 ЖАРАНДЫН СӨӨГҮ ТАБЫЛДЫ, ИЗДӨӨ ИШИ ЭРТЕҢ УЛАНАТ

КР Өзгөчө кырдаалдар министрлиги Жалал-Абад облусунун Чаткал районундагы Ак-Сайда кар көчкүдөн улам дайынсыз болгон жарандарды издөө иштери аба ырайына байланыштуу убактылуу токтотулду.

Ал эми бүгүн издөө иштеринин натыйжасында дайынсыз делген 6 жарандын ичинен 3 адамдын сөөгү табылып, тик учак аркылуу Кумбел тилкесиндеги штабга жеткирилди.

Калган 3 жаранды издөө иштери эртең уланат.

КР ӨКМ ПРЕСС-БОРБОР