ШАШЫЛЫШ БИЛДИРҮҮ УНАА ЖОЛДОРГО КАР КӨЧКҮ ТҮШҮҮСҮ, КАР КҮРТКҮСҮ КҮТҮЛҮҮДӨ

ШАШЫЛЫШ БИЛДИРҮҮ

УНАА ЖОЛДОРГО КАР КӨЧКҮ ТҮШҮҮСҮ, КАР КҮРТКҮСҮ КҮТҮЛҮҮДӨ

Өзгөчө кырдаалдар министрлигинин Кыргызгидромет кызматынын билдирүүсүнө ылайык, үстүбүздөгү жылдын 21-24-март күндөрү күтүлүп жаткан жаан-чачынга байланыштуу Кыргызстандын тоолуу райондорунда жана унаа жолдорунда кар көчкү түшүүсү жана кар күрткүсү күтүлөт. Алар :

Бишкек – Ош унаа жолунун

121-138-чакырымдарында Төө-Ашуу ашуусу;

198-260-чакырымдарында Чычкан капчыгайы, Ала-Бел ашуусу;

Мырза-Аке — Кара-Кулжа — Алайкуу унаа жолунун

55-115 чакырымы;

Ала-Бука – Каныш – Кыя унаа жолунун 59-113-чакырымдарында Чапчыма ашуусу;

Каракол – Эңилчек унаа жолунун 45-90 чакырымы Чоң-Ашуу ашуусу;

Красная-Горка – Ак-Таш унаа жолунун 0-3-чакырымындары.

Жолдор тайгак болуп, муз тоңот.

УРМАТТУУ АЙДООЧУЛАР!

Алыскы жолго чыгарда дөңгөлөк чынжырчасын, күрөк, дары-дармек топтомун тамак-аш жана ысык суу алууну унутпаңыз.

Унаалардын ортосундагы 500 метр аралык кыймыл чектелиши зарыл.

Кандайдыр бир кырсыкка күбө болсоңуз "112" кызматына чалып, жардам чакырыңыз. Чалуу акысыз жана күндүр-түндүр кабыл алынат.

КР ӨКМ ПРЕСС-БОРБОР