ОШТО СУУГА ТҮШҮҮДӨГҮ КООПСУЗДУК ЭРЕЖЕЛЕРИ БОЮНЧА ТҮШҮНДҮРҮҮ ИШТЕРИ ЖҮРДҮ

Бүгүн Ак-Буура дарыясынын жээгине эс алууга келген жарандарга суу коопсуздук эрежелери боюнча түшүндүрүү иштери жүрдү.

Түшүндүрүү иштери шаарда жайгашкан эс алуучу жайларда жана бессейндерде уланды.

Анда Ош шаары боюнча башкармалыгынын куткаруучулары сууда өзүн-өзү алып жүрүү эрежелери тууралуу маалымат беришти.

Ошондой эле сууга түшүүгө сунушталбаган же тыюу салынган жерлерде эскертүү белгилерине көңүл бөлүү шарт экенин жана ️ата-энелерге жаш балдарга өзгөчө көңүл бурууну жана калтырбоону эскертишти.

Эске салсак, 2025-жылдын 15-май күнү Ак-Буура дарыясына 12 жаштагы бала түшүп кеткен.

Өспүрүмдүн сөөгү 16-май күнү куткаруучулар тарабынан табылган.

Быйыл өлкө аймагында 9 адам сууга чөгүп каза болгон, анын ичинен бешөө жашы жете элек өспүрүмдөр.

ӨКМ ЭСКЕРТЕТ! Ата-энелер – жаш балдарга өзгөчө көңүл буруңуздар!

Агын сууларга, көлмөлөргө сууга түшүүгө тыюу салынат!

КР ӨКМ ПРЕСС-БОРБОР