ОШ: ТУРАК ҮЙДӨН ЧЫККАН ӨРТТӨН 6 АДАМ КАЗА БОЛДУ

Бүгүн, 2025-жылдын 22-октябрь күнү болжол менен саат 05:52дө Ош шаарынын Орозбеков көчөсүндө жайгашкан турак үйдөн өрт чыккандыгы тууралуу маалымат түшкөн.

Өрттү өчүрүүгө саат 05:54тө Ош шаардык №29 ӨКБдан 1 бөлүм тартылып, жерине 06:01де жеткен.

Өрт саат 06:25те чектөөгө алынып, учурда толук өчүрүү иштери жүргүзүлүүдө.

Алгачкы маалыматтар боюнча, болжол менен саат 03:30 чамасында турак үйдүн жер төлөсүндө (подвалында) өрт башталып, ал кыска убакыттын ичинде турак үйдүн чатырына чейин тараган.

ӨКМдин Ош шаары боюнча башкармалыгынын ыкчам нөөмөтчүсүнүн берген маалыматына ылайык, кырсыктын кесепетинен үйдүн 6 адамдан турган тургундары каза болду: 34 жаштагы аял жана 13, 11, 9, 6, 2 жаштагы балдары.

Өрт өчүрүүчүлөр жеткен учурда жарандардын жансыз денелери таанылгыс абалда табылган.

Өрттүн келип чыгуу себеби такталууда.

КР ӨКМ ПРЕСС-БОРБОР