ОШ: ӨРТ КООПСУЗДУГУН АЛДЫН АЛУУ БОЮНЧА АТАЙЫН МАШЫГУУ ӨТТҮ

КР ӨКМ Ош шаары боюнча башкармалыгы тарабынан Ош шаарында жайгашкан “Газпром Кыргызстан” ЖЧКсынын "Ошгаз" филиалында өрт-тактикалык машыгуу өттү.

Машыгууга башкармалыктын ӨККБ өздүк курамы, ИИМ, тез жардам, авариялык газ куткаруу кызматтары катышты.

Машыгууну жүрүшүндө мекеменин ыктыярдуу өрттөн сактоо кошууну жабыркагандарды куткаруу, биринчи медициналык жардам көрсөтүү иш-чаралары практикалык түрдө жүргүзүлдү.

Машыгуунун жыйынтыгы менен иш-аракеттер талданып, “Ошгаз” ишканасынын кызматкерлерине өрт коопсуздук чаралары боюнча түшүндүрүү иштери жүргүзүлдү.

КР ӨКМ ПРЕСС-БОРБОР