ОШ: НООКАТ —КАРА-БУЛАК ЖОЛУ ЖАБЫК

Бүгүн, 6-май күнү саат 17:00 чамасында Араван районунун Достук айыл аймагынын Кара-Булак айылына баруучу ички чарбалык жолун Кара-Булак дарыясынын ташкыны 30 метр аралыгын жеп кеткен

(Ноокат — Кара-Булак жолунун 24-чакырымы).

Алдын ала маалымат боюнча жалпы Араван районунун Достук айыл аймагынын Кара-Булак айылындагы 6 турак үйү, Ноокат районуна караштуу Исанов башталгыч мектеби жана Исанов айыл аймагынын Кара-Булак айылынын 5 үйү жолсуз калышты. Учурда автоунаа өтүүчү жол жабык, жөө адамдар өтүүгө болот.

Араван райондук администрациясы Жарандык коргонуу кызматтарына саат 19:00дө ыкчам штаб өткөрдү.

Белгилей кетсек, ушул эле жолду 2024-жылдын 21-апрелде сел алып, Араван районунун Достук айыл өкмөтү тарабынан каржыланып калыбына келтирилген.

КР ӨКМ ПРЕСС-БОРБОР