ОШ: АК-ТЕРЕК - ПАПАН - КОЖОКЕЛЕН ЖОЛУ ТАЗАЛАНУУДА

2025-жылдын 20-апрелине караган түнү Ош облусунун Кара-Суу районунунда каттуу жааган жамгырдын кесепетинен Ак-Терек - Папан - Кожокелен унаа жолунун 14-чакырымында жер көчкү жүрүп, натыйжада унаа жолдун айрым жерлери жылып жана чөгүп, жараксыз абалга келтирилген.

Учурда айланма унаа жолу бар. Жолду калыбына келтирүүгө жол тейлөө ишканасынан 2 экскаватор, 2 самосвал, Папан айыл аймагынан жүктөгүч тартылды.

Ошондой эле жерине ӨКМдин Ош облусу боюнча башкармалыгынын ыкчам тобу, Өзгөчө кырдаалдарга мониторинг жүргүзүү жана божомолдоо департаментинин адиси чыкты.

Кошумча маалымат берилет.

КР ӨКМ ПРЕСС-БОРБОР