ӨРТ ӨЧҮРҮҮЧҮ-КУТКАРУУЧУЛАРДЫН ӨРТ ТИЛКЕСИНДЕ ПСИХОЛОГИЯЛЫК МАШЫГУУСУ ӨТТҮ

29-май күнү ӨКМдин Бишкек шаардык башкармалыгынын планына ылайык, №3 өрт-куткаруу бөлүгүнүн базасында башкармалыктын өрт-куткаруу бөлүмдөрүнүн өрт өчүрүүчү-куткаруучулардын машыгуусу өттү.

Машыгуунун максаты өрт өчүрүүчү-куткаруучуларды ар кандай татаалдыктагы өрткө, экстремалдык кырдаалдарга даярдоо жана өрт кырсыгындагы тобокелдиктерге, коркунучтарга эмоционалдык туруктуулугун бекемдөө болуп саналат.

Мындан сырткары бул машыгууга Кыргыз-Орус славян университетинин "Экология жана өзгөчө кырдаалдарда коргоо" жана Инновациялык кесиптер институтунун "Өрт коопсуздугу" кафедрасынын студенттери катышты.

Белгилей кетсек, мындай машыгуулар Бишкекте жылына эки жолу өткөрүлөт.

КР ӨКМ ПРЕСС-БОРБОР