ОҢДОО ИШИНЕ БАЙЛАНЫШТУУ К.КӨЛБАЕВ ТОННЕЛИ УБАКТЫЛУУ ЖАБЫЛДЫ

Чүй облусунун Жайыл районундагы Бишкек – Ош унаа жолунун 129-чакырымында К.Көлбаев атындагы тоннель саат 16:00дөн тартып унаалардын бардык түрүнө эки тараптуу убактылуу жабылды.

Маалым болгондой, бүгүн тоннелдин ичинде оор жүк ташуучу унаа аба тазалоочу вентиляторго тийип, унаалардын өтүшүнө кооптуулук жараткан. Аны оңдоо иштери жүрүп жаткандыгына байланыштуу убактылуу жабылды.

Кошумча маалымат берилет.

КР ӨКМ ПРЕСС-БОРБОР