ОКУУЧУЛАР МЕНЕН ӨРТ- ТАКТИКАЛЫК МАШЫГУУ ӨТКӨРҮЛДҮ

Апта соңунда Нарындын Ат-Башы району боюнча өзгөчө кырдаалдар бөлүмүнүн өздүк курамы Ача-Кайыңды айылынын Ой-Терскен орто мектебинин окуучулары, мугалимдери менен өрт-тактикалык машыгуусун өткөрүштү.

Түзүлгөн сценарийде көрсөтүлгөндөй, мектептин 2-кабатында жабыркаган окуучуга дарыгерлердин жардамы көрсөтүлдү. Ал эми кырсык учурунда өзүн алып жүрүүнү, алгачкы өрт өчүрүүчү шаймандарын колдонууну үйрөнүштү.

Машыгуунун жаш катышуучулары кызыккан суроолорун берип, куткаруучулук кесиптин күнгөй-тескейин кызыгып угушту.

Бул кесиптин ээси болууну кыялданган окуучуларга өрт өчүрүүчү автоунаанын жабдууларын тааныштырып, мекенчилдикке үндөй кетишти.

КР ӨКМ ПРЕСС-БОРБОР