ӨКМде Чолпон-Атадагы табиятка негизделген чечимдер боюнча талаа жана аналитикалык иштердин жыйынтыктарына арналган семинар өттү

Бишкек, 2025-жылдын 25-июлу.

Кыргыз Республикасынын Өзгөчө кырдаалдар министрлигинде Дүйнөлүк банктын колдоосу менен ишке ашырылып жаткан KG RESILAND долбоорунун алкагында Чолпон-Ата шаарындагы пилоттук тилкеде табиятка негизделген чечимдерди (Nature-based Solutions, NBS) концептуалдык иштеп чыгууга арналган жыйынтыктоочу семинар өттү.

Семинардын жүрүшүндө Япониянын Asia Air Survey эл аралык компаниясынын өкүлдөрү ведомстволордун өкүлдөрүнө жана адистерге талаа этабынын негизги жыйынтыктарын сунушташты. Аларга Чолпон-Атадагы шарттардын баалоосу, CS-картанын түзүлүшү, тилкени изилдөө жана Чисан (NBS) ыкмасынын концептуалдык алдын ала долбоору кирет. Ошондой эле, башталган камералдык иштеп чыгуу иштери жана аны ишке ашыруунун кийинки этаптары кеңири талкууланды.

Семинарга 20дан ашуун адистер катышты:

• КР ӨКМи (анын ичинде ДМПЧС, ОПСД, УЗНТ);
   
• Кыргызгидромет;
   
• Айыл чарба жерлерин суу ташкындарынан жана жаратылыш кырсыктарынан коргоо мамлекеттик ишканасы «Сельводзащита» МИси;
   
• Улуттук илимдер академиясынын алдындагы Токой илимий борбору;
   
• ӨКМдин алдындагы Долбоорлорду ишке ашыруу бөлүмү;
   
• токой чарба кызматкерлери жана Гипрозем өкүлдөрү.
  
   

Семинардын кыргыз тараптан уюштурулушун КР ӨКМге караштуу Долбоорлорду ишке ашыруу бөлүмүнүн директорунун орун басары Чинара Бербаева камсыздады. Эл аралык өнөктөш тараптан негизги сессияларды Asia Air Survey компаниясынын алдыңкы адиси, NBS ыкмаларын Кыргызстанда техникалык жактан коштоп жаткан Тору Инада жетектеди.

Иш-чарага гидрология, жер пайдалануу, ГМС (геомаалыматтык система) ГИС-технологиялар жана токой чарбасы жаатындагы адистер катышып, маселелерге комплекстүү жана илимий мамиле жасалды.

Кийинки кадамдар

Талкууланган материалдардын жана камералдык иштеп чыгуунун негизинде пилоттук тилке үчүн табиятка негизделген чечимдер боюнча алдын ала техникалык-экономикалык негиздеме (ТЭН) даярдалат. Семинардын жыйынтыгында сунушталган идеялар долбоордун кийинки этаптарын жана башка аймактарда NBS ыкмаларын жайылтуу боюнча сунуштарды иштеп чыгууга негиз болот.

Маалымат үчүн

Asia Air Survey компаниясынын жапон адистери Кыргыз Республикасында 2025-жылдын 21–25-июлу аралыгында иш алып барышты. Бул визит Дүйнөлүк банктын техникалык колдоосу менен уюштурулуп, талаа изилдөөлөрүн өткөрүү, технологияларды трансфердөө жана Ысык-Көл облусунда табиятка негизделген чечимдерди ишке ашыруу боюнча биргелешкен иш алып баруу максатын көздөдү.