ӨКМ КЫЗЫЛ ЖАРЫМ АЙ КООМУ МЕНЕН ӨЗ АРА КЫЗМАТТАШУУНУ КЕҢЕЙТҮҮНҮ ТАЛКУУЛАШТЫ

КР Өзгөчө кырдаалдар министри Канатбек Чыныбаев Кыргыз Республикасынын Улуттук Кызыл Жарым Ай Коомунун директору Чынгыз Жакыпов менен жолугушту.

Жолугушуунун жүрүшүндө тараптар өзгөчө кырдаалдарды алдын алуу жана кесепеттерин жоюу жаатындагы эки тараптуу кызматташуунун актуалдуу маселелерин, ошондой эле өзгөчө кырдаалдардан жабыркаган калкка гуманитардык жардам көрсөтүү багыттарын талкуулашты.

Өзгөчө көңүл калкты жана адистерди биринчи жардам көрсөтүүгө окутуу системасын өнүктүрүүгө, өзгөчө кырдаалдарга жооп кайтаруу мүмкүнчүлүктөрүн чыңдоого, ошондой эле жабыркагандарга психосоциалдык колдоо көрсөтүү жаатындагы өз ара аракеттенүүнү кеңейтүүгө бурулду.

Жолугушуунун жыйынтыгында тараптар мындан ары да конструктивдүү кызматташууну улантууга даяр экендиктерин ырастап, келечектеги кызматташтыктын артыкчылыктуу багыттарын белгилешти.