НӨШӨРЛҮҮ ЖАМГЫРДАГЫ КООПСУЗДУК ЭРЕЖЕЛЕРИН БИЛИП АЛЫҢЫЗ

Өзгөчө кырдаалдар министрлиги сунуштайт

Алдын ала берилген аба ырайына, шашылыш билдирүүгө жараша өзүңүзгө коопсуз жүрүм-турумду камсыздап, эрежени так сактаныз!

Нөшөрлөгөн жамгырда:

- шаарды кыдыруудан, жаратылышка чыгып эс алуудан баш тартыңыз;

- мындайда өз батириңизде же жумушуңузда болуңуз;

-зымдуу жана радио уктуруу каражаттарын иштетүүдөн качыңыз;

- көчөдө жамгыр жаап жатса, жер астындагы өтмөктөргө жана тереңдетилген жертөлөгө түшпөңүз;

- мүмкүн болгон суу каптоо деңгээлинен жогору жайгашкан имараттарда болууга аракет кылыңыз;

- эгерде сиз турган имаратты суу каптап жатса, аны таштап, жакынкы дөңсөөгө чыгууга аракет кылыныз;

- ал эми имараттан чыгууга мүмкүн болбосо, анда жогорку кабаттарга чыгып, электр жарыгын жана газды өчүрүп, терезе-эшиктерди бекем жаап, жайгашкан жериңизди өзгөчө кырдаалдар министрлигинин 112 номери аркылуу билдириңиз;

-жеке унаада бара жатканда нөшөрлөп жамгыр жааса, суу каптаган аймактардан өтпөңүз;

- акырындык менен жол жээгине өтүп, кыймылды токтотуп, авариялык жарыктарды күйгүзүп, нөшөрдүн токтошун күтүңүз;

-суунун көлөмү көп чогула баштаган учурда унааны таштап, бийик жерге же жакынкы имаратка барууга аракет кылып,112 кызматына билдириниз!