НАРЫН – ӨРҮК-ТАМ ЖОЛУНА КАР КӨЧКҮ ТҮШТҮ

Бүгүн Нарын облусунун Нарын районунда алдын ала маалымат боюнча саат 15:30 чамасында Нарын – Өрүк-Там унаа жолунун болжол менен 60-чакырымында кар көчкү түшкөндүгү тууралуу маалымат түшкөн.

Кар көчкүнү тазалоого жергиликтүү №8 жол тейлөө ишканасынан 1 экскаватор, 1 жүктөгүч жөнөтүлгөн.

Бактыга жараша табигый кубулуштан жабыркагандар жок.

Белгилей кетсек, жергиликтүү тургундар Өрүк-Там жана Эки-Нарын айылдарына башка каттамдар аркылуу каттай алышат.

Кар көчкүнү тазалоонун жүрүшүнөн кошумча маалымат берилет.

КР ӨКМ ПРЕСС-БОРБОР