МИНИСТР КӨК-АРТ ДАРЫЯСЫНЫН ЖЭЭГИН БЕКЕМДӨӨ ИШИНЕН КАБАР АЛДЫ

Бүгүн ӨК министри, генерал-майор Бообек Ажикеев Жалал-Абад шаарына болгон иш сапарында Көк-Арт дарыясынын нугун буруу ишинен жеринде кабар алды. Сел сууларынан коргоо, алдын алуу максатында жээктерди бекемдөө боюнча тапшырмаларды тийиштүү жетекчилерге берди.

ӨКМден тартылган техникалардын жардамында Көк-Арт дарыясынын жээктери бекемдөө иши аяктаса жыйынтыгында 350 га жер сел кооптуулугунан корголот.

Белгилей кетсек, үстүбүздөгү жылдын апрель айында нөшөрлөп жааган жамгырдан улам, Көк-Арт дарыясында суунун денгээли көтөрүлүп, кооптуулук жараткан.

Иш сапарынын жүрүшүндө мындан сырткары мининстр Жалал-Абад облустук администрациясынын жана мэриянын жаңы имараттарынын курулуш иштери менен таанышты.

КР ӨКМ ПРЕСС-БОРБОР