МАШЫГУУНУН МАКСАТЫ – КООПСУЗ ӨМҮР СҮРҮҮ

Кечээ, 25-мартта ӨКМдин Нарын облустук башкармалыгынын Жумгал райондук Өзгөчө кырдаалдар бөлүмүнүн куткаруучулары Жарандык коргонуу күндөрүн өткөрүштү.

Атайын түзүлгөн негизги иш-чаралар планынын алкагында Жумгал районундагы Куйручук айылынын А.Сулайманов атындагы орто мектебинде табигый жана техногендик өзгөчө кырдаалдардын, алдын алууну мектептин окуучуларына жана мугалимдер курамына түшүндүрүштү.

Ошондой эле табигый кырсыктар учурунда өзүн-өзү алып жүрүү, эвакуация, кайсыл жерде болбосун коопсуздук эрежесин сактоо тууралуу видеороликтер окуучуларга көрсөтүлдү.

КР ӨКМ ПРЕСС-БОРБОР