КЫРГЫЗ РЕСПУБЛИКАСЫНЫН ӨЗГӨЧӨ КЫРДААЛДАР МИНИСТРИ КАНАТБЕК ЧЫНЫБАЕВ СЕЛ ЖҮРГӨН ЖЕРДЕ БОЛДУ

Кырдаалга көзөмөл жүргүзүү жана иштерди координациялоо максатында Кыргыз Республикасынын Өзгөчө кырдаалдар министри Канатбек Чыныбаев сел жүрүп, жол жабылган Балыкчы — Ананьево — Каракол автожолунун 92-чакырымындагы аймакка барды.

Министр калыбына келтирүү жана тазалоо иштеринин жүрүшү менен жеринен таанышып, жарандардын коопсуздугун камсыз кылуу жана бардык тиешелүү иш-чараларды ыкчам бүтүрүү боюнча жооптуу кызматтарга тиешелүү тапшырмаларды берди.

Кырдаал министрдин жеке көзөмөлүндө. Учурда жеринде зарыл болгон иштер улантылууда.