КУТКАРУУЧУНУН ТИЛЕГИ – КООПСУЗ ЖАШОО!

ӨКМдин Бишкек шаардык башкармалыгынын Ленин районунун өзгөчө кырдаалдар бөлүмүнүн кызматкерлери №100 кесиптик лицейинде өрт тактикалык машыгуу өткөрүштү.

Машыгуунун алкагында окуучуларга жана мугалимдерге ар кандай өзгөчө кырдаалдарда жүрүм-турум эрежелери, өрт коопсуздугу, эвакуациялоо ыкмаларына кеңири токтолуп, практикада көрсөтүштү.

Жалпы 400 жаран катышкан машыгууда куткаруучулар алгачкы өрт өчүрүүчү каражаттарды колдонууну жана жер титирөө учурундагы иш-аракеттерин түшүндүрүп беришти.

Мындай өрт коопсуздугун алдын алууга багытталган иш-чараны Бишкек шаардык башкармалыгынын Октябрь районунун өзгөчө кырдаалдар бөлүмүнүн адистери №73 орто билим берүү мектебине да уюштурушту.

Анда адистер окуучуларга экскурсия уюштуруп, түрдүү кырсык учурунда өзүн-өзү алып жүрүү эрежелери менен таанышып, жабырлануучуларга биринчи жардам көрсөтүү жолун үйрөтүштү.

КР ӨКМ ПРЕСС-БОРБОР