Кабар Улуттук маалымат агенттигинде өткөн маалымат жыйынында Өзгөчө кырдаалдар министри, генерал-майор Бообек Ажикеев Бишкек Жылуулук электр борборунун ичинде гана өзгөчө кырдаал жарыяланганын (тактоо иретинде Бишкек шаарынын аймагында эмес) билдирди

Кабар Улуттук маалымат агенттигинде өткөн маалымат жыйынында Өзгөчө кырдаалдар министри, генерал-майор Бообек Ажикеев Бишкек Жылуулук электр борборунун ичинде гана өзгөчө кырдаал жарыяланганын (тактоо иретинде Бишкек шаарынын аймагында эмес) билдирди.

Ал эми ЖЭБнин аймагында чыккан өрттү өчүрүүдө 2 күжүрмөн эсеп иштеп, өрт таңкы саат 4:55те чектөөгө алынып, саат 5:05те толугу менен өчүрүлгөн.

Учурда жеринде Өзгөчө кырдаалдар министрлигинин куткаруучулары тартылып, 8 мотопомпа менен сууну сордуруу иши жүрүүдө.

Жеринде кырдаалды ыкчам жөнгө салуу максатында штаб түзүлүп, Өзгөчө кырдаалдар министрлигинин координациялоосу менен жарандык коргонуу кызматтары тиешелүү иш-чараларды жүргүзүүдө

Мындан сырткары министрлик тарабынан убактылуу жылууланган 4 чатыр тигилди.

Кошумча маалымат берилет.

КР ӨКМ ПРЕСС-БОРБОР