Эр жүрөк мектеп окуучусуна ӨКМдин медалы тапшырылды

ӨМҮР САКТАП КАЛГАН 12 ЖАШТАГЫ АКМААНАЙ

ЭР ЖҮРӨК МЕКТЕП ОКУУЧУСУНА ӨКМдин МЕДАЛЫ ТАПШЫРЫЛДЫ

Өзгөчө кырдаалдар министри Бообек Ажикеевдин буйругунун негизинде сууга чөгүп жаткандарды куткаргандыгы үчүн медалы менен Акмаанай Нурланова сыйланды. Ал үстүбүздөгү жылдын 23-июнь күнү, Ысык-Көл облусунун Түп айылындагы Түп суусуна түшүп кеткен 6 жашар баланын өмүрүн сактап калган. 12 жаштагы Акмаанай ага катар эле өз убагында жабырлануучуга биринчи жардамды да туура көрсөтө алган.

Эр жүрөктүүлүк менен адам өмүрүн сактап калган келечек ээсинин эрдиги башкаларга үлгү экендигин баса белгилеген министр Бообек Ажикеев жана министрликтин жалпы жамааты Акмаанайга кең келечек каалайт.

Акмаанай Нурланова Түп районунун А. Карымшаков атындагы жалпы билим берүү орто мектебинин 6-классынын окуучусу.

КР ӨКМ ПРЕСС-БОРБОР