ДАРООТ-КОРГОН АЙЫЛЫ СУУ МЕНЕН КАМСЫЗДАЛДЫ

2023-жылдын 12-декабрь күнү саат 09:00 чамасында Ош облусунун Чоң-Алай районунун Дароот-Коргон айылына караштуу Дара тилкесиндеги аскадан көлөмү болжол менен 5250 м3 таш түшүп, таза суу түтүкчөсү жарылган. Мындан улам айылга таза суу берүү үзгүлтүккө учураган.

Жерине Чоң-Алай райондук №88 ӨКБдан тартылган 3 куткаруучу кырдаалды такташкан. Маалыматка ылайык жабыркагандар жок.

Ал эми Чоң-Алай айыл аймагынын адистери суу түтүгүн калыбына келтиришип, саат 12:00 чамасында айыл таза суу менен камсыздалган.

КР ӨКМ ПРЕСС-БОРБОР