ДАЙЖЕСТ: Акыркы аптада өлкө ичинде катталган окуялар жана Өзгөчө кырдаалдар министрлиги тарабынан аткарылган иштерге саресеп салабыз.

Республика боюнча 195 өрт кырсыгы катталып, аларды өчүрүүгө 204 бөлүм тартылган.

Бишкек шаарынын борбордук көчөлөрүндө көп кабаттуу үйдүн 6-кабатынан жана Чыгыш-5 кичи районунда 9-кабаттан чыккан өрт автошатынын жардамында өчүрүлдү.

Куткаруу кызматтарынан жума ичинде жалпы 21 чыгуу болгон. Алардын көпчүлүгү сууга чөккөндөрдү издөө болууда. Ал эми сел кырсыктары жана катуу шамалды алдын ала эскертүү боюнча 3 жолу шашылыш билдирүү таратылды.

ӨКМ адистери Чүй облусунун Кегети жайлоосундагы Көл-Төр көлүн изилдөөгө чыгышты. Натыйжада жырылуу коркунучу жок экенин аныкталды.

Мындан тышкары министрдин тапшырмасына ылайык мектептерде, эгин талааларындагы өрт кырсыктары жана суудагы коопсуздукка өзгөчө көңүл буруу боюнча эскертүүлөр күчөтүлдү.

16-июль – Кыргыз гидрометеорология күнү белгиленип, министр кесип ээлерине карата куттуктоосун жолдоду.

Ош облусунун жарандык коргонуу боюнча 2025-жылга карата даярдыгын күчөткөн машыгуу ийгиликтүү жыйынтыкталды.