Жаңылыктар
28.10.2024 18:11
Кароолор: 297
ЧҮЙДӨ КУТКАРУУЧУЛАР ГАЗ ТҮТҮНДӨН САКТАНУУ ЧЕБЕРЧИЛИГИН ЖОГОРУЛАТЫШТЫ
Бүгүн, 28-октябрда ӨКМдин Чүй облустук башкармалыгы тарабынан газ түтүндөн сактануу боюнча практикалык окуу өткөрүлдү. Бул иш-чарага куткаруучулар жана газ түтүндөн коргоо кызматтарынын адистери катышты.
Окуунун негизги максаты – күтүлбөгөн кырсыктарга даярдыктарды жогорулатуу жана кызматкерлердин чеберчилигин арттыруу. Окуу процессинде катышуучулар газ түтүнү менен байланышкан кырдаалдарда кандай иш аракет кылуу керектиги боюнча практикалык тажрыйбага ээ болушту.
Бул иш-чара куткаруучулардын деңгээлин жогорулатууга, ошондой эле өрткө каршы коопсуздукту камсыз кылууга багытталган. Газ түтүнү сыяктуу күтүлбөгөн кырсыктарга карата даярдык – ар бир адистин милдети болуп саналат.
Жыйынтыгында катышуучулар өзүнүн психологиялык жактан даярдыгын жана кыйынчылыктарга каршы туруудагы жөндөмүн жогорулатышты. Мындай машыгууларды өткөрүү өрт өчүрүүчүлөрдүн кесиптик чеберчилигин жана коопсуздугун камсыз кылуу үчүн өзгөчө маанилүү.
КР ӨКМ ПРЕСС-БОРБОР