ЧҮЙ: КУТКАРУУЧУЛАРДЫН КҮЖҮРМӨН ДАЯРДЫГЫНА БАА БЕРИЛДИ

Өзгөчө кырдаалдар министрлигинин Чүй облусу боюнча башкармалыгынын райондук жана Токмок, Кант шаардык өзгөчө кырдаалдар бөлүмдөрүнүн 2025-жылдын кышкы окуу мезгилинин жыйынтыгы боюнча күжүрмөн жана атайын даярдык абалы текшерилди.

Мындай текшерүү Өзгөчө кырдаалдар министрлигинин жетекчилигинин буйругун аткаруу максатында, ошондой эле ӨКМдин Чүй облусу боюнча башкармалыгынын негизги иш-чаралар планына ылайык жүргүзүлдү.

Баалоонун жүрүшүндө өздүк курамдын өзгөчө кырдаалдарга даярдык деңгээлин жогорулатуу, куткаруу кызматтарынын ыкчам аракеттенүү жөндөмдүүлүгүн арттыруу жана кызматкерлердин кесиптик даярдыгын күчөтүү жагына басым жасалды.

КР ӨКМ ПРЕСС-БОРБОР