ЧҮЙ: КӨЛ-ТӨР КӨЛҮ КӨЗӨМӨЛДӨ... СУУНУ АЗАЙТУУ МАКСАТЫНДА 138 МЕТРЛИК ТҮТҮК ОРНОТУЛДУ

Чүй районунун Кегети айыл аймагындагы бийик тоолуу Көл-Төр көлүнүн деңгээли көтөрүлүп, суу ашып жаткандыгы тууралуу маалымат түшкөн.

Көлдү көзөмөлдөө жана сифон ыкмасында суу түтүгүн орнотуу үчүн 3-августта куткаруучулар Кегетиге чыгышкан.

Ал эми анын абалын текшерүүгө, изилдөөгө Өзгөчө кырдаалдарга божомолдоо жана мониторинг жүргүзүү департаментинен 2 кызматкер, коопсуздандыруу иштерине ӨКМдин Чуй облустук башкармалыгынын 24 куткаруучу жеринде иштешти.

Куткаруучулар сифон ыкмасы менен сууну азайтуу максатында 150-диаметрдеги 138 метр желим түтүк орнотушту. Эртең, 4-августта дагы 135 метрлик түтүктөн экини орнотуу пландалууда.

КР ӨКМ ПРЕСС-БОРБОР