ЧҮЙ: “КЕМИН ГЛОБУС” СООДА КОМПЛЕКСИНДЕ ӨРТ ӨЧҮРҮҮЧҮЛӨРДҮН ТАЖРЫЙБАСЫ СЫНАЛДЫ

ӨКМдин Чүй облусу боюнча башкармалыгынын Кемин райондук өзгөчө кырдаалдар бөлүмүнүн кызматкерлери тарабынан Кемин шаарында жайгашкан “Кемин Глобус” соода комплексинде өрт-тактикалык машыгуу өткөрүлдү.

Машыгууга бир өрт өчүрүүчү унаа өздүк курамы менен тартылды.

Иш-чаранын алкагында имараттын ичиндеги элдер эвакуацияланып, өрт өчүрүү убагында кандай аракеттерди жасоо керектиги практика жүзүндө көрсөтүлүп берилди.

Машыгуунун башкы максаты - өздүк курамдын өрт өчүрүүдө болгон билим деңгээлин жогорулатуу, өрт-техникалык каражаттары жана өрткө каршы жабдуулар менен иштөөнүн ыкмаларын мыкты өздөштүрүү жана кырсыкка каршы күрөшүүдөгү аракеттерин баалоо.

Мындай машыгуулар тилсиз жоонунун келип чыгуусун алдын алуу жана болтурбоо максатында байма-бай өткөрүлүп келет.

КР ӨКМ ПРЕСС-БОРБОР