БИШКЕКТЕГИ “ДОРДОЙ” БАЗАРЫНДА ӨРТ КЫРСЫГЫН АЛДЫН АЛУУ БОЮНЧА ҮГҮТ–НАСААТ ИШТЕРИ ЖҮРГҮЗҮЛДҮ

Бүгүн, 28-декабрь күнү ӨКМдин Бишкек шаардык башкармалыгынын Свердлов райондук өзгөчө кырдаалдар бөлүмүнүн куткаруучулары “Дордой” базарында адам өмүрүнө кооптуулук жараткан пиротехникалык буюмдардын коопсуздук эрежелери боюнча түшүндүрүү иштерин күчөтүлгөн тартипте элге жеткирүүдө.

Жаңы жылдын жакындашы менен жарандар пиротехникалык буюмдарды, аттыруучу заттардын түрүн колдоно баштайт. Аны туура колдонуу эрежелерин сактабагандыктан, ар кандай кырсыктар орун алып жатканы анык. Мындай кырсыктарды алдын алуу максатында пиротехникалык буюмдарды колдонуудагы жана аны сатуудагы коопсуздук эрежелери текшерилди.

Үгүттө иш-чарасынын алкагында кызматкерлер "Ютонг" атайы пропагандалоо автобусу менен өрттүн алдын алуу, өрт кырсыгында алгачкы колдонулуучу шаймандарды туура колдонуу эрежелерин коомго жайылтуу менен бирге келе жаткан Жаңы жылды жалынсыз, кырсыксыз өткөрүүнү сунуштады.

КР ӨКМ ПРЕСС-БОРБОР