БИШКЕКТЕ МУЗЫКАЛЫК ОКУУ ЖАЙЫНАН ЧЫККАН ӨРТ ЧЕКТӨӨГӨ АЛЫНДЫ

Бишкек шаарынын Биринчи Май районунда бүгүн, 10-июлда Бөкөнбаев көчөсүндө жайгашкан музыкалык мектеп-интернатынан чыккан өрт саат 12:19да чектөөгө алынды. Учурда толук өчүрүү иштери жүргүзүлүүдө.

ӨКМдин Бишкек шаары боюнча башкармалыгынын нөөмөтчүсүнүн берген маалыматына ылайык, өрттүн аянты болжол менен 400 чарчы метрди түзөт.

Белгилей кетсек, жеринде ӨКМден 4 күжүрмөн эсеп, штаб жана Кризистик кырдаалдарда башкаруу борборунан 2 офицер иш алып барууда.

Андан тышкары Ички иштер министрлигинен 20 кызматкер, 2 экипаж жана тез жардам кызматынан 1 бригада тартылды.

Кошумча маалымат берилет.

КР ӨКМ ПРЕСС-БОРБОР