БИШКЕКТЕ КУТКАРУУЧУЛАР КУДУККА ТҮШҮП КЕТКЕН ЖАРАНДЫ КУТКАРЫШТЫ

2026-жылдын 12-августунда Бишкек шаарындагы Чүй проспектисинде жайгашкан үйлөрдүн жанында эркек киши канализациялык кудукка түшүп кеткендиги тууралуу маалымат түшкөн.

Окуя болгон жерге ӨКМдин Бишкек шаары боюнча башкармалыгынын Куткаруу кызматынан 5 куткаруучу жөнөтүлгөн.

Куткаруучулар атайын альпинисттик жабдуулардын жардамы менен жаранды канализациялык кудуктан коопсуз чыгарып, Ички иштер органдарынын кызматкерлерине өткөрүп беришкен.

Жарандын абалы канааттандырарлык. Медициналык жардамга муктаждык болгон эмес.