БИШКЕКТЕ ДАЙЫНСЫЗ ЖАРАН ИЗДЕЛҮҮДӨ

Бишкек шаарынын Свердлов районунда 10-июнь күнү жаран үйүнөн чыгып кеткен боюнча дайынсыз болгон.

Мындан улам КР Өзгөчө кырдаалдар министри, генерал-майор Бообек Ажикеевдин тапшырмасы менен Бишкек шаардык башкармалыгынын Куткаруу кызматынан 6 куткаруучу Чоң Чүй каналынан жоголгон адамды издөөгө чыгышты.

Ал эми Бишкектин Свердлов райондук Ички иштер башкармалыгынан 15 милиционер, 2 ыктыярчы кинолог, туугандарынан 10 адам издөөдө.

Чоң Чүй каналынын жээктеринен жана суудан издөө жүргүзүлүүдө.

Кошумча маалымат берилет.

КР ӨКМ ПРЕСС-БОРБОР