БИШКЕК: МЕКТЕПТЕ ЖАРАНДЫК КОРГОНУУ КҮНҮ ӨТТҮ

Бүгүн, ӨКМдин Бишкек шаары боюнча башкармалыгынын Ленин районунун кызматкерлери тарабынан №93 жалпы билим берүүчү орто мектебинде “Жарандык коргонуу” күнү өткөрүлдү.

Окуучуларга жана мугалимдерге өзгөчө кырдаал жана түрдүү кырсык учурунда өзүн-өзү алып жүрүү эрежелери тууралуу маалымат берилип, алгачкы өрт өчүрүүчү каражаттары менен колдонуу эрежелери практикалык негизде үйрөтүлдү.

Иш-чаранын жүрүшүндө имараттан окуучулар эвакуцияланып, жалпы 845 окуучу жана мугалимдер катышты.

КР ӨКМ ПРЕСС-БОРБОР