Бишкек: Куткаруучулар футбол аянтчасында күч сынашууда

Бүгүн Өзгөчө кырдаалдар министрлигинин Бишкек шаары боюнча башкармалыгында кезектеги спорттук мелдеш старт алды.

Спорттук иш-чара 28-29-сентябрь күндөрү өтүп, футбол жана волейбол боюнча жалпы 6 команда биринчилик үчүн күч сынышат. Алар башкармалыкка караган Биринчи Май, Свердлов, Октябрь, Ленин райондук өрт-куткаруу бөлүктөрү, башкармалыктын командасы жана Куткаруу кызматы.

Ал эми бүгүн спорттун футбол түрү боюнча мелдеш жыйынтыкталып, күчтүүлөргө баалуу белектер тапшырылат.

Аталган иш-чара өлкөдө 5-октябрь кырсыктардын тобокелдигин азайтуу күнүнө карата жана жалпы эле куткаруучулардын ден соолугун бекемдеп, сергек жашоого үндөө максатында уюштурулду.

КР ӨКМ ПРЕСС-БОРБОР