Бишкек: Чуңкурга түшүп кеткен жаран куткарылды

11-сентябрь күнү Бишкек шаарынын Ленин районуна караштуу Ак-Ордо-1 конушунун Ю.Гагарин көчөсүндө жайгашкан тамактануучу жайдын жанындагы экскаватор менен казылган чуңкурга 2006-ж.т. М.Р. аттуу эркек бала кокустуктан түшүп кеткендиги тууралуу маалымат 112 кызматына түшкөн.

Жерине куткаруу иштерин жүргүзүүгө Бишкек шаардык куткаруу кызматынан 4 куткаруучу тартылып, альпинисттик шаймандын жардамында жабыркаган эркек баланы чуңкурдан чыгарып, медициналык тез жардам кызматына өткөрүп беришкен.

Маалыматка ылайык, жарандын абалы канааттандырарлык.

КР ӨКМ ПРЕСС-БОРБОР