БЕШИНЧИ ЖАРАНДЫН СӨӨГҮ ӨЗБЕКСТАНДАН ТАБЫЛДЫ

16-июль күнү, 1985-жылы туулган Б.А. аттуу жарандын сөөгү Өзбекстан Республикасынын куткаруучулары тарабынан Андижан шаарындагы сайдан табылды.

Белгилей кетсек, издөө ишин жүргүзүү боюнча Кыргызстандын Өзгөчө кырдаалдар министрлигинин кайрылуусунун негизинде Өзбекстандын Өзгөчө кырдаалдар министрлигинин куткаруучулары издөө-куткаруу ишин жүргүзүшкөн.

Маалым болгондой изделип жаткан жаран 14-июль күнү, Ош шаарындагы Борбордук базардан сел агызып кеткендиги тууралуу кабарланып, издөөгө алынган.

Иллюстрациялык сүрөт колдонулду.

КР ӨКМ ПРЕСС-БОРБОР